25638 ۔۔۔ معاویہ بن قرہ کی روایت ہے کہ حضرت ابو درداء (رض) کے پاس ایک اونٹ تھا جسے دمون کے نام سے پکارا جاتا تھا چنانچہ لوگ جب ابو درداء (رض) سے اونٹ عاریۃ مانگتے تو آپ کہتے اس پر صرف فلاں چیز لاد سکتے ہو چونکہ یہ اس سے زیادہ کی طاقت نہیں رکھتا جب حضرت ابو درداء (رض) کی وفات کا وقت قریب ہوا بولے : اے دمون ! کل میرے ساتھ میرے رب کے ہاں جھگڑنا نہیں میں نے تجھ پر وہی بوجھ لادا ہے جس کی تو طاقت رکھتا تھا ۔ (رواہ ابن عساکر)