26967 ۔۔۔ ” مسند علی “ حضرت عبداللہ بن عباس (رض) روایت کی ہے کہ ایک مرتبہ سیدنا حضرت علی المرتضی (رض) میرے گھر پر تشریف لائے اور وضو کے لیے پانی مانگا اور فرمایا : اے ابن عباس ! کیا میں تمہیں رسول اللہ (صلی اللہ علیہ وآلہ وسلم) کا وضو نہ دکھاؤں ؟ میں نے کہا ہاتھوں میں پانی لیا اور چہرے پر مارا آپ نے دونوں انگوٹھے کانوں کے اگلے حصہ پر لے گئے اور تین مرتبہ ایسا ہی کیا ، پھر دائیں ہاتھ میں پانی لیا اور پیشانی پر انڈیل دیا پھر پانی کو چہرے پر گرنے دیا پھر تین بار کہنی تک دایاں ہاتھ دھویا ، پھر اسی طرح دوسرا ہاتھ بھی ، پھر سر کا مسح کیا اور کانوں کے ظاہری حصہ کا مسح کیا پھر ہتھیلیوں میں پانی لے کر پاؤں پر ڈالا جبکہ پاؤں جوتوں میں تھے پھر پاؤں کو حرکت دے دی پھر دوسرے پاؤں پر اسی طرح پانی ڈالا میں نے کہا : جوتوں ہی میں پاؤں دھو لیتے ؟ جی ہاں جوتوں میں ہی دھو لیے ۔ میں نے کہا : کیا جوتوں ہی میں ؟ فرمایا : جوتوں ہی میں میں نے کہا : کیا جوتوں ہی میں ؟ فرمایا : جوتوں ہی میں ۔ (رواہ احمد بن حنبل وابو داؤد وابویعلی وابن خزیمۃ والطحاوی وابن حبان والضیاء)