27030 ۔۔۔ ” مسند علی کرم اللہ وجہہ “ عبد خیر کی روایت ہے کہ میں نے حضرت علی (رض) کو دیکھا آپ (رض) نے وضو کے لیے پانی مانگا آپ (رض) نے ہاتھوں اور پاؤں پر مسح کیا اور فرمایا : یہ اس شخص کا وضو ہے جس کا وضو ٹوٹا نہ ہو۔ پھر فرمایا : اگر میں نے نبی کریم (صلی اللہ علیہ وآلہ وسلم) کو پاؤں کی پشت پر مسح کرتے نہ دیکھا ہوتا میں سمجھتا کہ پاؤں کے تلوے مسح کرنے کے زیادہ لائق ہیں پھر وضو سے بچا ہوا پانی کھڑے کھڑے پی لیا پھر فرمایا : کہاں ہیں وہ لوگ جن کا خیال ہے کہ کھڑے ہو کر پانی پینا کسی کے لیے جائز نہیں۔ (رواہ احمد بن حنبل )