27031 ۔۔۔ نوال بن سبرہ کی روایت ہے کہ حضرت علی (رض) کے پاس لوٹے میں پانی لایا گیا جب کہ آپ مکان کے صحن میں بیٹھے ہوئے تھے آپ (رض) نے چلو بھر پانی لیا کلی کی ناک میں پانی ڈالا چہرے بازو اور پاؤں کا مسح کیا پھر بچا ہوا پانی کھڑے کھڑے پی لیا پھر فرمایا : یہ اس شخص کا وضو ہے جس کا وضو ٹوٹا نہ ہو۔ میں نے نبی کریم (صلی اللہ علیہ وآلہ وسلم) کو اسی طرح کرتے دیکھا ہے۔ (رواہ ابو داؤد الطیالسی واحمد بن حنبل والبخاری وابو داؤد والترمذی فی الشمائل والنسائی وابو یعلی وابن جریر وابن خزیمۃ والطحاوی والبخاری ومسلم)