27606 ۔۔۔ ” مسند عمر “ خالد بن عبداللہ مغیرہ ابراہیم کی سند سے مروی ہے کہ سیدنا حضرت عمر بن خطاب (رض) ابن مسعود سعد بن مالک یا ابن عمر (خالد کو سعد (رض) اور ابن عمر کی تعیین میں شک ہوا) جریر بن عبداللہ بجلی موزوں پر مسح کرتے تھے ابراہیم کہتے ہیں میرے لیے یہ بات تعجب خیز رہی کہ جریر (رض) نے سورت مائدہ کے نزول کے بعد اسلام قبول کیا ہے اور وہ بھی موزوں پر مسح کرتے تھے ھشیم عبیدہ کی سند سے حدیث مروی ہے کہ ابراہیم کہتے ہیں نبی کریم (صلی اللہ علیہ وآلہ وسلم) کے آٹھ صحابہ کرام رضوان اللہ تعالیٰ عنہم اجمعین موزوں پر مسح کرتے تھے وہ یہ ہیں سیدنا حضرت عمر بن خطاب (رض) ، حضرت سعد ، حضرت عبداللہ بن مسعود ، ابو مسعود انصاری حضرت حذیفہ بن یمان ، حضرت مغیرہ بن شعبہ ، حضرت براء بن عازب اور حضرت جریر بن عبداللہ (رض) ۔