27607 ۔۔۔ ابو عثمان نہدی کی روایت ہے کہ حضرت سعد (رض) اور ابن عمر (رض) کا موزوں پر مسح کرنے کے متعلق اختلاف ہوگیا سعد (رض) نے کہا : موزوں پر مسح کرو ابن عمر (رض) نے کہا : میں مسح نہیں کرتا ۔ سعد (رض) نے کہا موزوں پر مسح کرو ابن عمر (رض) نے کہا : میں مسح نہیں کرتا سعد (رض) نے کہا میرے اور تمہارے درمیان تمہارے والد فیصلہ کریں گے چنانچہ ہم دونوں سیدنا حضرت عمر بن خطاب (رض) کے پاس آئے اور آپ سے مسئلہ بیان کیا سیدنا حضرت عمر بن خطاب (رض) نے فرمایا تمہارا چچا تم سے زیادہ علم رکھتا ہے جب تم موزے طہارت کی حالت میں پہنو پھر تمہیں حدث لاحق ہو وضو کرو اور موزوں پر مسح کرلو موزوں پر مسح کرلینا تمہیں اسی گھڑی تک ایک دن اور ایک رات کے لیے کافی ہے۔ (رواہ سعید بن المنصور) ۔ فائدہ :۔۔۔ یعنی اسی وقت تک ایک دن اور ایک رات تک جب وضو ٹوٹے تو دوبارہ وضو کرنے کی صورت میں موزوں پر دوبارہ مسح کرنا ہوا (ازمترجم)