27742 ۔۔۔ حضرت عائشہ (رض) کی روایت ہے کہ فاطمہ بنت ابی جیش (رض) نبی کریم (صلی اللہ علیہ وآلہ وسلم) کی خدمت میں حاضر ہوئی اور عرض کیا : نبی کریم (صلی اللہ علیہ وآلہ وسلم) مجھے استحاضہ آتا ہے میں پاک ہونے نہیں پاتی کیا میں نماز چھوڑ دوں ؟ آپ نے فرمایا : نہیں یہ تو ایک رگ ہے حیض نہیں ہے اپنے ایام حیض میں نماز پڑھنا چھوڑ دو پھر غسل کرو اور ہر نماز کے لیے وضو کرو پھر نماز پڑھو اگرچہ خون کے قطرے چٹائی پر ٹپک رہے ہوں ۔ (رواہ ابن ابی شیبۃ ) ۔ کلام :۔۔۔ حدیث ضعیف ہے دیکھئے ابن اماجہ 136 ۔