29456 ۔۔۔ ابو اسود دوئلی کہتے ہیں کہ ایک مرتبہ میں حضرت علی بن ابی طالب (رض) کی خدمت میں حاضر ہوا میں نے آپ (رض) کو دیکھا کہ آپ نے سر جھکا رکھا ہے اور گہری سوچ میں ڈوبے ہوئے ہیں ، میں نے عرض کی : اے امیر المومنین آپ کس سوچ میں پڑے ہیں فرمایا : میں تمہارے اس شہر میں لوگوں کو اعراب میں بہت غلطیاں کرتے دیکھ رہا ہوں ، میں چاہتا ہوں کہ اصول عربیت میں ایک وثقیہ لکھ دوں ۔ میں نے عرض کی ، اگر آپ ایسا کردیں گے تو آپ ہمیں زندہ کردیں گے اور یہ زبان ہمارے اندر زندہ رہے گی پھر میں تین دن بعد آیا آپ (رض) نے مجھے ایک نوشتہ دیا اس میں لکھا تھا : ” بسم اللہ الرحمن الرحیم “ کلام سارے کا سارا اسم ہے فعل ہے اور حرف ہے ، اسم وہ ہے جو مسمی کے متعلق خبر دے فعل وہ ہے جو مسمی کی حرکت کے متعلق خبر دے اور حرف ایسے معنی کے متعلق خبر دیتا ہے جو اسم میں ہے اور نہ فعل میں پھر فرمایا اس میں مزید اصولوں کا اضافہ کرو اور اے ابو اسود ! جان لو کہ اشیاء کی تین قسمیں ہیں ظاہر ، مضمر اور ایک وہ شی جو ظاہر ہے اور نہ مضمر ابو اسود کہتے ہیں میں نے کچھ اور اصول جمع کیے اور آپ کے سامنے پیش کیے اس میں میں نے حروف نصب پانچ ہی لکھے تھے وہ یہ ” ان ، ان لیست ، لعل کان ، ان میں میں نے ” لکن “ نہیں ذکر کیا تھا ، آپ (رض) نے مجھے کہا : تم نے لکن کو کیوں چھوڑ دیا میں نے عرض کیا : کیا یہ بھی انہی میں سے ہے ؟ فرمایا : کیوں نہیں ۔ چنانچہ آپ (رض) نے حروف نصب میں لکن کا بھی اضافہ کیا ۔ (رواہ ابو القاسم الزجاجی فی امالیہ)