29457 ۔۔۔ صعصعہ بن صومان کی روایت ہے کہ ایک عرابی سیدنا حضرت علی المرتضی (رض) کے پاس آیا اور کہا : اے امیر المؤمنین ! آپ اس جملے کو کیسے پڑھتے ہیں۔ ’ لایاکلہ الا الخاطون کل واللہ یخطو “۔ (اعرابی نے اعراب میں غلطی کی الخاطون کی بجائے الخاطؤن ہونا چاہیے اور واللہ کی بجائے واللہ ھا کی کسرہ کے ساتھ ہونا چاہیے اور یخطو کی بجائے یخطا ہونا چاہیے تھا چونکہ الخاطون خطا یخطو یعنی قدم بڑھانا سے ہے اور جبکہ مقصود خطا یخطی بمعنی غلطی کرنا خطا کرنا تھا) حضرت علی ب اس کا لحن سن کر ہنس دیئے اور فرمایا : (لا یاکلہ الخاطؤن) اعرابی نے کہا اے امیر المؤمنین آپ نے سچ فرمایا پھر کہا : ” ماکان اللہ لیسلم عبدہ “ ۔ (اس میں بھی غلطی تھی) یہ بات سن کر حضرت علی (رض) نے ابو اسود دوئلی کی طرف التفات کیا اور فرمایا : بہت سارے عجمی دین میں داخل ہوچکے ہیں لہٰذا کچھ ایسے اصول بناؤ جن سے راہنمائی لے کر لوگ اپنی زبانوں کو محفوظ کرسکیں ۔ چنانچہ رفع نصب اور جر کی پہچان لکھی ۔ (رواہ البیہقی فی شعب الاایمان وابن عساکر وابن النجار)