29461 ۔۔۔ ” ایضا “ ابن سعد نے طبقات میں لکھا ہے : محمد بن عمر اسلمی حضرت انس بن مالک (رض) کہتے ہیں : نبی کریم (صلی اللہ علیہ وآلہ وسلم) کے اکابر صحابہ کرام رضوان اللہ تعالیٰ عنہم اجمعین کی مرویات کی تعداد قلیل ہونے کی وجہ یہ ہے کہ یہ حضرات اکابر صحابہ کرام رضوان اللہ تعالیٰ عنہم اجمعین احتیاج روایت حدیث سے پہلے وفات پاچکے تھے البتہ سیدنا حضرت عمر بن خطاب (رض) اور سیدنا حضرت علی المرتضی (رض) کی مرویات کی تعداد اس لیے زیادہ ہے حالانکہ یہ حضرات مسند خلافت پر ا ہے ہیں ان سے سوالات کیے جاتے یہ حضرات جواب دیتے اور لوگوں کے درمیان فیصلے کرتے تھے حالانکہ رسول اللہ (صلی اللہ علیہ وآلہ وسلم) کے تمام صحابہ مقتدا اور پیشوا ہیں ان کے اقوال و افعال کو امت نے حفظ کیا ہے چونکہ ان سے فتوی لیا جاتا وہ فتوی دیتے تھے حدیث کا سماع کیا حدیث یاد کی اور دوسروں تک پہنچائی چنانچہ نبی کریم (صلی اللہ علیہ وآلہ وسلم) کے اکابر صحابہ کرام رضوان اللہ تعالیٰ عنہم اجمعین کی مرویات دوسرے صحابہ کرام رضوان اللہ تعالیٰ عنہم اجمعین کی مرویات سے کم ہیں جیسے ابوبکر (رض) عثمان (رض) ، طلحہ (رض) ، زیبر (رض) ، سعد بن ابی وقاص (رض) ، عبدالرحمن بن عوف (رض) ، ابو عبیدہ بن الجراح (رض) ، سعید بن زید بن عمرو بن نفیل (رض) ، ابی بن کعب ، (رض) سعد بن عبادہ (رض) ، عبادہ بن الصامت (رض) ، اسید بن حضیر (رض) ، معاذ بن جبل (رض) ، اور ان جیسے کئی دوسرے اکابر صحابہ کرام رضوان اللہ تعالیٰ عنہم اجمعین چنانچہ ان حضرات کی مرویات کی تعداد اس طرح کثیر نہیں جس طرح دوسرے صحابہ کرام رضوان اللہ تعالیٰ عنہم اجمعین کی مرویات کی تعداد کثیر ہے جیسے حضرت جابر بن عبداللہ (رض) ، ابی سعید خدری (رض) ، ابوہریرہ (رض) ، عبداللہ بن عمر بن خطاب (رض) ، عبداللہ بن عمرو بن العاص (رض) ، عبداللہ بن عباس (رض) ، رافع بن خدیج (رض) ، انس بن مالک (رض) ، براء بن عازب (رض) ، اور ان جیسے دوسرے صحابہ کرام رضوان اللہ تعالیٰ عنہم اجمعین چونکہ یہ حضرات صحابہ کرام رضوان اللہ تعالیٰ عنہم اجمعین اکابر صحابہ کرام رضوان اللہ تعالیٰ عنہم اجمعین کے بعد زندہ رہے ان کی عمریں بھی طویل ہوئیں اور روایت حدیث میں لوگوں کو ان کی محتاجی ہو جبکہ بہ سارے صحابہ کرام رضوان اللہ تعالیٰ عنہم اجمعین دنیا سے رخصت ہوئے اور ان کی طرف روایت حدیث کا احتیاج نہیں ہوا چونکہ صحابہ کرام رضوان اللہ تعالیٰ عنہم اجمعین کی تعداد اس وقت زیادہ تھی اسی طرح بعض صحابہ کرام رضوان اللہ تعالیٰ عنہم اجمعین ایسے بھی تھے جو آپ (صلی اللہ علیہ وآلہ وسلم) کی حدیث آگے روایت نہیں کرتے تھے حالانکہ آپ (صلی اللہ علیہ وآلہ وسلم) کی صحبت میں عرصہ رک رہے ، سماع بھی کیا ، چنانچہ ان حضرات نے یہ سمجھا کہ روایت حدیث نہایت باریک بینی کا کام ہے لہٰذا اس میں کمال احتیاط اسی میں ہے کہ روایت حدیث ہی سے اجتناب کیا جائے بایں ہمہ بعض حضرات عبادت جہاد فی سبیل اللہ اور اسفار میں رہے حتی کہ اسی عالم میں دنیا سے رخصت ہوئے اور ان سے چند احادیث بھی مروی نہ ہو سکیں انتہی ۔