29700 ۔۔۔ عطاء بن ابی رباح کی روایت ہے کہ طارق بن مرقع نے ایک غلام کو آزاد کرکے سائبہ بنادیا کچھ عرصہ بعد سائبہ غلام مرگیا اور ترکہ میں اس نے بہت سارا مال چھوڑا یہ مال طارق پر پیش کیا گیا اس نے انکار کردیا مکہ کے عامل نے معاملہ سیدنا حضرت عمر بن خطاب (رض) کو لکھ بھیجا سیدنا حضرت عمر بن خطاب (رض) نے جوابا لکھا کہ مال جمع کرکے طارق کو پیش کرو اگر قبول کرے تو اسے دے دو اور اگر انکار کر دے تو اس مال سے غلام خرید کر آزاد کردیئے جائیں چنانچہ مال طارق پر پیش کیا گیا انھوں نے قبول کرنے سے انکار کردیا ، عامل نے اس مال سے پندرہ یا سولہ غلام خرید کر آزاد کردیئے ۔ (رواہ البیہقی فی السنن)