29701 ۔۔۔ عبداللہ بن ودیعہ بن خدام کی روایت ہے کہ سالم مولائے ابو حذیفہ ہماری ایک عورت کا آزاد کردہ غلام تھا اسے سلمی بنت یعار کہا جاتا تھا اس عورت نے یہ غلام جاہلیت میں آزاد کر کے سائبہ بنادیا تھا جنگ یمامہ میں جب اسے تیر لگے اور تیروں سے گھائل ہوگیا تو حضرت عمر (رض) کے پاس اس کی میراث لائی گئی حضرت عمر (رض) نے ودیعہ بن خدام کو بلایا اور کہا : یہ تمہارے آزاد کردہ غلام کی میراث ہے تمہیں اس کے حقدار ہو ودیعہ بن خدام نے میراث لینے سے انکار کردیا اور کہا : اللہ تعالیٰ نے ہمیں اس سے بےنیاز کردیا ہے ہماری ایک عورت نے اسے آزاد کرکے سائبہ بنادیا تھا ہم عورت کے نافذ کئے ہوئے معاملہ میں نقص نہیں آنے دیتے سیدنا حضرت عمر بن خطاب (رض) نے یہ مال بیت المال میں جمع کروا دیا ۔ (رواہ البخاری فی تاریخہ والبیہقی)