30024 ۔۔۔ حضرت انس بن مالک (رض) روایت کی ہے کہ میری پھوپھی کا بیٹا حارثہ بدر کے دن رسول اللہ (صلی اللہ علیہ وآلہ وسلم) کے ساتھ گیا تھا یہ نوجوان لڑکا تھا یہ دیکھنے بھالنے کے لیے گیا تھا جنگ لڑنے نہیں گیا تھا چنانچہ دوران جنگ اسے ایک نیزا لگا یوں وہ شہید ہوگیا واپسی پر میری پھوپھی اس جوان کی ماں نبی کریم (صلی اللہ علیہ وآلہ وسلم) کے پاس آئی اور عرض کیا : یا رسول اللہ (صلی اللہ علیہ وآلہ وسلم) ! میرا بیٹا اگر جنت میں ہے تو میں صبر کروں گی اور اسے باعث ثواب سمجھوں گی ورنہ آپ دیکھیں گے کہ میں کیا کرتی ہوں آپ (صلی اللہ علیہ وآلہ وسلم) نے فرمایا : اے ام حارثہ بہشتیں تو بیشمار ہیں اور حارثہ فردوس بریں میں ہے۔ (رواہ ابن ابی شیبۃ والبیہقی)