3004: سورة النحل۔ قیامت سے قبل مغرب کی طرف تم پر ایک سیاہ بادل چھا جائے گا جیسے تلوار کی ڈھال ہو۔ وہ آسمان کی طرف بلند ہوتا ہوا پھیلتا رہے گا حتی کہ سارے آسمان کو بھر دے گا۔ پھر ایک منادی نداء دے گا اے لوگو !
اتی امر اللہ فلا تستعجلوہ۔ النحل :1
خدا کا حکم (عذاب) آپہنچا تو اس کے لیے جلدی مت کرو۔
پس قسم ہے اس ذات کی جس کے قبضہ میں میری جان ہے : دو شخص کپڑا پھیلائیں گے لیکن اس کو لپیٹ نہ پائیں گے۔ کوئی شخص اپنے حوض کی لیپائی کرے گا لیکن کبھی اس سے کچھ پی نہ سکے گا اور کوئی شخص اپنی اونٹنی کا دودھ دوہے گا مگر کبھی بھی اس کو پی نہ سکے گا (کیونکہ اس سے پہلے ہی خدا کا عذاب ان کو اپنی لپیٹ میں لے لے گا۔ الطبرانی فی الکبیر بروایت عقبہ (رض) بن عامر)