3005: قیامت سے قبل تم پر مغرب کی جانب سے ایک سیاہ بادل ڈھال کی مانند آئے گا، وہ آسمان کی طرف بلند ہوتا جائے گا حتی کہ سارا آسمان اس بادل سے چھپ جائے گا۔ پھر ایک منادا نداء دے گا اے لوگو ! لوگ اس آواز کو سن کر متوجہ ہوں گے اور ایک دوسرے کو کہیں گے ہم نے یہ آواز سنی ؟ کوئی ہاں کرے گا اور کوئی شک کرے گا۔ وہی آواز پھر بلند ہوگی، اے لوگو ! تم نے سنا ؟ لوگ کہیں گے : ہاں ہاں۔ چنانچہ نداء آئے گی اے لوگو ! اتی امر اللہ فلا تستعجلوہ (النحل :1) اللہ کا حکم (عذاب) آپہنچا ہے پس جلدی نہ کرو۔ پھر آپ (صلی اللہ علیہ وآلہ وسلم) نے فرمایا : قسم ہے اس ذات کی جس کے دست قدرت میں میری جان ہے دو شخصوں نے کپڑا کھولا ہوگا (جس طرح کپڑا فروش خریدار کو معائنہ کرانے کے لیے تھان کھولتے ہیں) پھر وہ لپیٹ نہ پائیں گے۔ ایک شخص نے اپنے حوض کا چونا کیا ہوگا لیکن وہ اس سے پانی پی نہ سکے گا اور ایک شخص نے اپنی اونٹنی کا دودھ نکالا ہوگا لیکن وہ پی نہ پائے گا اس طرح تمام لوگ اپنے اپنے روز مرہ کے کاموں مشغول ہوں گے (کہ حکم عذاب آجائے گا) ۔ (مستدرک الحاکم بروایت عقبہ (رض) بن عامر)