30063 ۔۔۔ عروہ کی روایت ہے کہ احد کے دن نبی کریم (صلی اللہ علیہ وآلہ وسلم) نی صحابہ کرام رضوان اللہ تعالیٰ عنہم اجمعین کی ایک جماعت کو چھوٹا سمجھ کر واپس کردیا ان میں عبداللہ بن عمر بن خطاب تھے ان کی عمر چودہ (14) سال تھی ، اسامہ بن زید ، براء بن عازب ، عزابۃ ب اوس بنی حارثہ کا ایک شخص زید بن ارقم ، زید بن ثابت اور رافع (رض) اجمعین تاہم رافع (رض) نے ایڑیاں اوپر اٹھا کر اپنے آپ کو بڑا ثابت کیا یوں انھیں اجازت مل گئی اور لشکر کے ساتھ چل پڑے جبکہ بقیہ کو مدینہ میں پیچھے چھوڑ گئے اور یہ لوگ مدینہ میں عورتوں اور بچوں کی رکھوالی کرتے رہے۔ (رواہ ابن عساکر و سعید بن المنصور)