30064 ۔۔۔ عکرمہ (رض) روایت کی ہے کہ غزوہ احد کے موقع پر نبی کریم (صلی اللہ علیہ وآلہ وسلم) کا چہرہ اقدس زخمی ہوا آپ کے دندان مبارک شہید ہوئے شدت پیاس کی وجہ سے آپ گھٹنوں پر جھکا چاہتے تھے اتنے میں ابی بن خلف آیا اور وہ اپنے بھائی امیۃ بن خلف کا بدلہ لینا چاہتا تھا بولا ! کہاں ہے وہ شخص جو نبی ہونے کا دعوی کرتا ہے وہ ذرا میرے سامنے آئے اگر وہ سچا ہے مجھے قتل کرے نبی کریم (صلی اللہ علیہ وآلہ وسلم) نے فرمایا : مجھے حربہ دو صحابہ کرام رضوان اللہ تعالیٰ عنہم اجمعین نے عرض کیا یا رسول اللہ ! کیا آپ میں حربہ چلانے کی سکت ہے فرمایا : میں نے رب تعالیٰ سے اس کا خون مانگا ہے آپ نے حربہ لیا اور پھر اس کی طرف چل دئیے آپ نے حربہ اس دشمن کی طرف پھینکا ۔ حربہ نشانے پر لگا ابی بن خلف زخم کھا کر گھوڑے سے نیچے گرا اس کے ساتھی اسے گھسیٹتے ہوئے لے آئے اور کہا : تجھے کیا ہوا زخم تو گہرا نہیں ۔ اس نے کہا : محمد نے اللہ تبارک وتعالیٰ سے میرے خون کی منت مان رکھی تھی میں اتنا درد پاتاہوں کہ اگر یہ درد ربیعہ اور مضر کے لوگوں میں تقسیم کیا جائے انھیں بھی کافی ہو ۔ (رواہ ابن ابی شیبۃ)