30077 ۔۔۔ ” مسند عمر “ حضرت عائشۃ صدیقہ (رض) روایت کی ہے کہ میں غزوہ خندق کے موقع پر گھر سے نکلی اور لوگوں کے پیچھے پیچھے ہوئی حتی کہ ایک باغیچے میں داخل ہوئی ۔ باغیچے میں مسلمانوں کی ایک جماعت موجود تھی ان میں حضرت عمر بن خطاب (رض) اور حضرت طلحہ (رض) بھی تھے حضرت عمر (رض) نے کہا : تم نے جرات کا مظاہرہ کیا ہے تمہیں کیا معلوم ہوسکتا ہے کوئی آزمائش پیش آجائے یا ہم کسی جنگی چال کے لیے یہاں آئے ہوں بخدا ، عمر (رض) مجھے برابر ملامت کرتے رہے حتی کہ میں نے چاہا کہ زمین شق ہوجائے اور میں اس میں دھنس جاؤں حضرت طلحہ (رض) نے کہا : اے عمر ! تم نے بہت باتیں کردیں جنگی چال کہاں ہے اور جنگ سے بھاگنا کہاں ہے۔ (رواہ ابن عساکر)