30082 ۔۔۔ حضرت جابر (رض) کی روایت ہے کہ غزوہ خندق کے انجام میں اللہ تعالیٰ نے مشرکین کو رسوا کرکے واپس کیا اور انھیں کچھ غنیمت نہ ملی نبی کریم (صلی اللہ علیہ وآلہ وسلم) نے فرمایا : مسلمانوں کی عزت میں کون اشعار کہے گا ؟ کعب بن مالک (رض) نے عرض کیا : یا رسول اللہ (صلی اللہ علیہ وآلہ وسلم) میں کہوں گا ابن رواحہ (رض) نے کہا : یا رسول اللہ (صلی اللہ علیہ وآلہ وسلم) میں کہوں گا فرمایا : تم اچھے اشعار کہہ لیتے ہو حضرت حسان بن ثابت (رض) نے کہا : یا رسول اللہ (صلی اللہ علیہ وآلہ وسلم) میں کہوں گا ، جی ہاں مشرکین کی ہجو میں اشعار کہو جبرائیل امین تمہاری مدد کریں گے ۔ (رواہ ابن مندہ وابن عساکرورجالہ ثقات)