30089 ۔۔۔ ابن جہاد (رض) سے مروی ہے کہ ان کے بیٹے نے کہا (ابن جہاد (رض) کو شرف صحبت حاصل ہے) اے اباجان ! آپ لوگوں نے نبی کریم (صلی اللہ علیہ وآلہ وسلم) کو دیکھا ہے اور رسول اللہ (صلی اللہ علیہ وآلہ وسلم) کی صحبت میں رہے ہیں اگر میں آپ (صلی اللہ علیہ وآلہ وسلم) کو دیکھ لیتا آپ کے ساتھ ایسا اور ایسا برتاؤ کرتا ابن جہاد (رض) نے فرمایا : اے بیٹا ! اللہ تعالیٰ سے ڈرو اور اپنی اصلاح کرتے رہو قسم اس ذات کی جس کے قبضہ قدرت میں میری جان ہے ہم غزوہ خندق کے موقع پر آپ (صلی اللہ علیہ وآلہ وسلم) کے ساتھ تھے آپ نے فرمایا : جو شخص مشرکین کی خبر لائے گا وہ جنت میں میرا رفیق ہوگا چنانچہ لوگوں میں سے کوئی بھی نہ اٹھا چونکہ بھوک اور سردی نے لوگوں کو نہایت کسم پرسی کے عالم میں دکھیل دیا تھا آپ (صلی اللہ علیہ وآلہ وسلم) نے پھر فرمایا : اے حذیفہ (رض) حضرت حذیفہ (رض) نے عرض کیا : یا رسول اللہ (صلی اللہ علیہ وآلہ وسلم) قسم اس ذات کی جس کے قبضہ قدرت میں میری جان ہے میں صرف اس خوف سے نہیں اٹھا کہ ممکن ہے میں آپ کے پاس مشرکین کی خبر نہ لا سکوں آپ (صلی اللہ علیہ وآلہ وسلم) نے فرمایا : جاؤ آپ (صلی اللہ علیہ وآلہ وسلم) نے حذیفہ (رض) کے لیے دعائے خیر کی ۔ (رواہ ابن عساکر)