30090 ۔۔۔ واقدی ابن عباس بن سہل عن ابیہ جدہ کی سند سے روایت نقل کرتے ہیں کہ غزوہ خندق کے موقع پر نبی کریم (صلی اللہ علیہ وآلہ وسلم) نے ہتھوڑا لیا اور پتھر پر ضرب لگائی آپ (صلی اللہ علیہ وآلہ وسلم) کی ضرب سے پتھر کی کھوکھلی آواز آئی آپ ہنس پڑے صحابہ کرام رضوان اللہ تعالیٰ عنہم اجمعین نے عرض کیا : یا رسول اللہ (صلی اللہ علیہ وآلہ وسلم) آپ کیوں ہنسے ہیں ؟ آپ نے فرمایا میں ایک قوم سے ہنسا ہوں جس کا تعلق مشرق سے ہے اسے جنت کی طرف بیڑیوں میں جکڑ کر لایا جارہا ہے جبکہ وہ جنت میں نہیں جانا چاہتے ۔ (رواہ ابن النجار)