30096 ۔۔۔ ” مسند ابن عمر “ حاکم (فی مناقب الشافعی) فضل بن ابی نصر ابوبکر (رض) احمد بن یعقوب بن عبدالملک بن عبدالجبار قرشی جرجانی ابولعباس احمد بن خالد بن یزید بن غزوان فضل بن ربیع کی اولاد سے ایک شخص سے وہ اپنے باپ سے روایت نقل کرتا ہے اس کا کہنا ہے کہ ہارون الرشید نے مجھے پیغام بھیجا پھر ہارون الرشید کے امام شافعی (رح) کو بلانے کا قصہ ذکر کیا اور اس دعا کا ذکر کیا جو امام شافعی (رح) نے کی تھی پھر وہ حدیث پوچھی جسے امام شافعی (رح) مالک بن انس ، (رض) نافع (رض) ، حضرت عبداللہ بن عمرو (رض) کی سند سے روایت کرتے ہیں کہ رسول اللہ (صلی اللہ علیہ وآلہ وسلم) نے غزوہ احزاب کے موقع پر قریش کی لیے بدعا کی جس کے الفاظ یہ ہیں اے اللہ ! میں تیرے مقدس نور اور تیری طہارت کی عظمت اور تیرے جلال کی برکت کی ہر طرح کی آفت سے پناہ چاہتا ہوں ۔۔ کلام : ۔۔۔ چنانچہ امام بیہقی (رح) نے ” کتاب بیان خطا من اخطا علی الشافعی “ میں ذکر کیا ہے کہ اس حدیث کی سند موضوع ہے اور اس کے موضوع ہونے میں کوئی شک نہیں چونکہ فضل بن ربیع کا حال مجہول ہے اور اس کی اولاد کا حال بھی مجہول ہے احمد بن یعقوب یہ ابن بغاطرہ قرشی اموی ہے اس کی اس طرح کی بیشمار موضوع احادیث ہیں جن کی روایت کسی طرح حلال نہیں اور نہ وہ روایت حلال ہے جو ہمارے شیخ نے نقل کی ہے اگر وہ اس روایت سے اجتناب کرتے بہت اچھا ہوا ، امام شافعی (رح) اس طرح کی روایت سے پاکدامن ہیں اسی طرح مالک نافع اور حضرت عبداللہ بن عمرو (رض) بھی مبرا ہیں البتہ میں نے یہ حدیث ابو عیم احد بن عبداللہ اصبہانی (رح) کی کتاب میں دیکھی ہے اس کی سند یوں ہے ابی بکر احمد بن محمد بن موسیٰ محمد بن حسین ابن مکرم عبدالاعلی بن حماد نرسی کا کہنا ہے کہ ایک دن رشید نے فضل بن ربیع سے کہا : پھر حدیث ذکر کی ۔ یہ حدیث اپنی سند سے شافعی مالک کے طریق سے ذکر کی ہے اور یہ بھی موضوع ہے۔ نیز ابوبکر محمد بن جعفر بغدادی ابی بکر محمد بن عبید ابو نصر مخزومی فضل بن ربیع کی سند سے ذکر کی ہے اور اس میں ذکر نہیں کہ یہ امام مالک (رح) کی روایت ہے جبکہ پڑھی اس جیسی روایت ہے یہ انکار نہیں کہ امام شافعی (رح) نے دعا نہیں کی لیکن وہ روایت منکر ہے جو شافعی مالک نافع ابن عمر (رض) نبی کریم (صلی اللہ علیہ وآلہ وسلم) کے طریق سی مروی ہے۔ انتھی۔