30099 ۔۔۔ حضرت عبداللہ بن مسعود (رض) کی روایت ہے کہ مشرکین نے نبی کریم (صلی اللہ علیہ وآلہ وسلم) کو غزوہ خندق کے دن چار نمازوں سے مشغول رکھا حتی کہ رات کا بھی کچھ حصہ گذر گیا پھر آپ نے حضرت بلال (رض) کو حکم دیا انھوں نے اذان دی پھر ظہر کی نماز کے لیے اقامت کہی اور ظہر کی نماز پڑھی (جب ظہر کی نماز سے فارغ ہوئے) پھر عصر کی نماز کے لیے اقامت کہی اور عصر کی نماز پڑھی پھر اقامت کہی اور مغرب کی نماز پڑھی پھر اقامت کہی اور عشاء کی نماز پڑھی ۔ (رواہ ابن ابی شیبۃ)