30123 ۔۔۔ ” مسند حسیل بن خارجہ اشجعی “ حضرت حسیل بن خارجہ اشجعی (رض) کی روایت ہے کہ میں تجارت کا کچھ مال لے کر مدینہ آیا مجھے نبی کریم (صلی اللہ علیہ وآلہ وسلم) کی خدمت میں لایا گیا آپ نے فرمایا : اے حسیل اگر میں تمہیں بیس صاع کھجوریں دوں کیا تم میرے صحابہ کرام رضوان اللہ تعالیٰ عنہم اجمعین کے لیے خیبر تک راہبری کروگے ؟ میں نے حامی بھری جب نبی کریم (صلی اللہ علیہ وآلہ وسلم) خیبر پہنچے میں آپ کی خدمت میں حاضر ہوا مجھے بیس صاع کھجوریں دیں پھر مجھے فرمایا : اے حسیل ! میرے ساتھ جو شخص بھی تین دن تک رہا ہے وہ ضرور اسلام سے سرفراز ہوا ہے چنانچہ یہ سنتے ہی میں نے اسلام قبول کرلیا ۔ (رواہ الطبرانی وابو نعیم)