30122 ۔۔۔ ” مسند جابر بن عبداللہ “ حضرت جابر (رض) کی روایت ہے کہ غزوہ خیبر کے موقع پر مرحب یہودی یہ رجز پڑھتا ہوا باہر آیا ۔ قدعلمت خیبرانی مرحب شبا کی السلاح بطل مجرب اطعن احیانا وحینا اضرب اذا اللیوث اقسلت تجرب : پورا خیبر جانتا ہے کہ میں مرحب ہوں جب شیر مدمقابل ہوتے ہیں تبھی آزمائے جاتے ہیں اور کبھی تلوار سے وار کرتا ہوں جب شیر مدمقابل ہوتے ہیں تبھی آزمائے جاتے ہیں۔ چنانچہ مرحب ” ھل من مبازر “ کیا کوئی مدمقابل ہے ؟ کا نعرہ لگا رہا تھا نبی کریم (صلی اللہ علیہ وآلہ وسلم) نے فرمایا : اس کا کام کون تمام کرے گا ؟ حضرت محمد بن مسلمہ (رض) نے عرض کیا : یا رسول اللہ (صلی اللہ علیہ وآلہ وسلم) میں اس کا کام تمام کرنا چاہتا ہوں اس نے کل میرے بھائی کو قتل کیا ہے بخدا اس سے میں اپنے بھائی کا بدلہ لوں گا آپ نے فرمایا : چلو اس کے طرف کھڑے ہو جو یا اللہ ! اس کی مدد کر جب دونوں ایک دوسرے کے قریب ہوئے تو ان کے درمیان ایک درخت حائل ہو جاتاہم مرحب نے حضرت محمد بن مسلمہ (رض) پر تلوار سے وار کیا محمد بن مسلمہ (رض) نے ڈھال پر تلوار کا وار لیا جس سے ڈھال کٹ گئی لیکن حضرت محمد بن مسلمہ کو ڈھال نے بچا لیا اگلا وار محمد بن مسلمہ (رض) نے بڑھ کر کیا اور مرحب کا کام تمام کردیا ۔ (رواہ ابو یعلی وابن جریر والبغوی وابن عساکر)