30144 ۔۔۔ حضرت جابر (رض) روایت کی ہے کہ حدیبیہ میں لوگوں کو شدت پیاس نے سخت تنگ کیا حتی کہ قریب تھا کہ ان کی گردنیں جھڑ جائیں صحابہ کرام رضوان اللہ تعالیٰ عنہم اجمعین نے نبی کریم (صلی اللہ علیہ وآلہ وسلم) سے شکایت کی اور عرض کیا : یا رسول اللہ (صلی اللہ علیہ وآلہ وسلم) ہم ہلاک ہوگئے آپ نے فرمایا : ہرگز نہیں میرے ہوتے ہوئے تم ہلاک نہیں ہو گے پھر آپ نے ڈول میں ہاتھ ڈالا ڈول میں مدبھر پانی تھا اس میں انگلیاں پھیلا دیں قسم اس ذات کی جس نے آپ (صلی اللہ علیہ وآلہ وسلم) کو نبوت سے سرفراز کیا ہے میں نے کنویں میں پھوٹ پھوت کر پانی جاتے دیکھا جو آپ (صلی اللہ علیہ وآلہ وسلم) کی انگلیوں کے بیچ سے نکل رہا تھا آپ نے فرمایا : اللہ کے نام سے زندہ ہوجا پھر ہم نے سیر ہو کر پانی پیا اور اپنی سواریوں کو بھی پلایا اپنی مشکیزے بھی بھر لیے نبی کریم (صلی اللہ علیہ وآلہ وسلم) ہمیں دیکھ کر مسکرائے پھر فرمایا : میں گواہی دیتا ہوں کہ اللہ کے سوا کوئی معبود نہیں اور یہ کہ میں اللہ کا نبی اور اس کا رسول ہوں جو شخص بھی صدق دل سے کلمہ شہادت پڑھتا ہے اللہ تعالیٰ اسے جنت میں داخل کرے گا کسی نے جابر (رض) سے پوچھا اس دن تمہاری تعداد کیا تھی ؟ جابر (رض) نے کہا : ہم چودہ سو (1400) تھے اگر یہ لوگ منی جاتے تو ان کے لیے کافی ہوتی ۔ (رواہ ابن عساکر)