30145 ۔۔۔ ” مسند جریر بجلی “ جریر (رض) کی روایت ہے کہ جب ہم مقام غمیم پہنچے نبی کریم (صلی اللہ علیہ وآلہ وسلم) کو قریش کی طرف سے خبر ملی کہ انھوں نے خالد بن ولید کی کمان میں کچھ شہسوار نبی کریم (صلی اللہ علیہ وآلہ وسلم) کی راہ میں روڑے اٹکانے کے لیے بھیجے نبی کریم (صلی اللہ علیہ وآلہ وسلم) نے ان سے مڈ بھیڑ کرنا اچھا نہ سمجھا آپ (صلی اللہ علیہ وآلہ وسلم) ان پر رحم دل تھے آپ (صلی اللہ علیہ وآلہ وسلم) نے فرمایا : کون شخص ہے جو متبادل راستے میں ہماری راہنمائی کرے گا ؟ میں نے عرض کیا : میرا باپ آپ پر فدا ہو اس کام کے لیے میں تیار ہوں۔ چنانچہ ہم نے یہ راستہ چھوڑ دیا اور متبادل راستے پر چلتے ہوئے ہم حدیبیہ آن پہنچے حدیبیہ ایک کنواں ہے اسمیں آپ نے ایک یا دو تیر ڈالے پھر کنویں میں لعاب ڈالا پھر دعا کی کنواں پانی سے پھوٹ پڑا حتی کہ پانی اتنا اوپر آگیا کہ اگر ہم چاہتے چلو بھر لیتے ۔ (رواہ الطبرانی)