30151 ۔۔۔ حضرت انس بن مالک (رض) روایت کی ہے کہ قریش نے نبی کریم (صلی اللہ علیہ وآلہ وسلم) کے ساتھ صلح کی ان میں سے ایک سہیل بن عمرو بھی تھا نبی کریم (صلی اللہ علیہ وآلہ وسلم) نے حضرت علی (رض) سے فرمایا : لکھو : بسم اللہ الرحمن الرحیم سہیل نے کہا : ہم نہیں جانتے بسم اللہ الرحمن الرحیم کیا ہے وہی لکھو جو ہم جانتے ہیں یعنی ” باسمک اللہم “۔ آپ (صلی اللہ علیہ وآلہ وسلم) نے فرمایا نبی کریم (صلی اللہ علیہ وآلہ وسلم) لکھ : محمد رسول اللہ کی جانب سے قریش نے کہا : اگر ہم آپ کو اللہ کا رسول جانتے آپ کا اعتبار کرلیتے البتہ اس کی بجائے محمد بن عبداللہ لکھو آپ (صلی اللہ علیہ وآلہ وسلم) نے فرمایا : محمد بن عبداللہ قریش نے نبی کریم (صلی اللہ علیہ وآلہ وسلم) پر یہ شرط عائد کی کہ آپ کے ساتھیوں میں سے جو شخص ہمارے پاس آئے گا ہم اسے واپس نہیں کریں گے اور جو شخص ہم میں سے آپ کے پاس چلا جائے گا آپ اسے واپس کرنے کے مجاز ہوں گے صحابی نے عرض کیا : یا رسول اللہ (صلی اللہ علیہ وآلہ وسلم) کیا ہم یہ شرط بھی لکھ دیں ؟ فرمایا جی ہاں ہم میں سے جو شخص ان کے پاس چلا جائے اسے اللہ تعالیٰ دور کرے اور ان میں سے جو ہمارے پاس آئے تو عنقریب اللہ تبارک وتعالیٰ اس کے لیے کوئی راستہ نکال دے گا ۔ (رواہ ابن ابی شیبۃ)