30155 ۔۔۔ عطاء کی روایت ہے کہ ماہ ذی القعدہ میں نبی کریم (صلی اللہ علیہ وآلہ وسلم) مہاجری و انصار کے ساتھ عمرہ کے لیے تشریف لے گئے حتی کہ جب آپ حدیبیہ پہنچے قریش نے رکاوٹ کھڑی کردی اور آپ کو بیت اللہ سے روک دیا فریقین میں نرم وگرم گفتگو ہوئی حتی کہ قریب تھا کہ فریقین میں جنگ چھڑ جاتی ، نبی کریم (صلی اللہ علیہ وآلہ وسلم) نے اپنے صحابہ کرام رضوان اللہ تعالیٰ عنہم اجمعین سے بیعت لی صحابہ کرام رضوان اللہ تعالیٰ عنہم اجمعین کی تعداد پندرہ سو (1500) تھی آپ نے درخت کے نیچے بیعت لی ، اسے بیعت رضوان کہا جاتا ہے نبی کریم (صلی اللہ علیہ وآلہ وسلم) نے قریش سے معاہدہ کیا قریش نے کہا : ہم اس شرط پر معاہدہ کرتے ہیں کہ آپ قربانی اسی جگہ کریں گے حلق کروا کر واپس لوٹ جائیں حتی کہ آئندہ سال ہم آپ کے لیے رکاوٹ نہیں بنیں گے اور بیت اللہ تین دن کے لیے آپ کے لیے خالی چھوڑ دیں گے چنانچہ آپ نے ایسا ہی کیا آپ عکاظ چلے گئے وہیں تین دن قیام کیا پھر واپس لوٹ گئے قریش نے ایک شرط یہ بھی طے کی تھی کہ آپ تلوار کے سوا اسلحہ نہیں لاسکتے آپ اپنے ساتھ اہل مکہ کا کوئی شخص لے کر باہر نہیں جائیں گے ورنہ آپ کو قربانی کرنی ہوگی حتی کہ اگلے سال آپ (صلی اللہ علیہ وآلہ وسلم) انہی دنوں مکہ داخل ہوئے اور اپنے ساتھ قربانی کے جانور بھی لائے لوگ بھی آپ کے ہمراہ تھے آپ مسجد حرام میں داخل ہوئے اس موقع پر اللہ تعالیٰ نے یہ آیت نازل فرمائی : (آیت)” لقد صدق اللہ رسولہ الرؤیا بالحق لتدخلن المسجد الحرام انشا اللہ آمنین “۔ ” بیشک اللہ تعالیٰ نے اپنے رسول کو سچا خواب دکھلایا ہے جو مطابق واقع کے ہے تم لوگ انشاء اللہ امن کے ساتھ مسجد میں ضرور جاؤ گے “۔ نیز یہ آیت بھی نازل فرمائی : ”’ الشھرالحرام بالشھر الحرام “۔ حرمت والا مہینہ حرمت والا مہینے کے بدلے میں ہے۔ اللہ تعالیٰ نے یہ حکم بھی دیا کہ مسجد میں اگر قریش آپ سے جنگ کریں تو آپ کے لیے بھی مسجد میں جنگ کرنا حلال ہے حدیبیہ میں صلح کے بعد ابو جندل بن سہل بن عمرو بیڑیوں میں جکڑے ہوئے گھسٹ گھسٹ کر آئے انھیں باپ سہیل بن عمرو نے بیڑیوں میں جکڑ رکھا تھا آپ (صلی اللہ علیہ وآلہ وسلم) نے ابو جندل (رض) کو باپ کو واپس کردئیے ۔ (رواہ ابن ابی)