30186 ۔۔۔ عروہ کی روایت ہے کہ فتح مکہ کے موقع پر نبی کریم (صلی اللہ علیہ وآلہ وسلم) نے لوگوں میں غنائم تقسیم کیے حضرت عباس بن مرداس (رض) نے یہ اشعار کہے : اتجعل نھبی ونھب عبید بیت عیینۃ والاقرع وما کان حصن ولا حابس یفوقان مرداس فی المجمع وقد کنت فی الحرب ذا بدری فلم اعط شیاء ولم امنع وما کنت دون امریء منھما ومن تضع الیوم لا یرفع : ترجمہ : ۔۔۔ کیا آپ میرے تاخت و تاراج کو ان غلاموں کے برابر قرار دیں گے جو عیینہ اور اقرع کے درمیان لوٹ مار مچاتے تھے ۔ حالانکہ معرکہ میں مرداس پر نہ حصن کو فوقیت تھی اور نہ حابس کو جبکہ میں جنگ میں قوت ومدافعت والا ہوں پر مجھے کچھ دیا گیا اور نہ روکا گیا اور میں ان دونوں آدمیوں سے کم نہیں تھا لیکن آج جس شخص کو مرتبہ اور مقام گھٹا دیا گیا اس کا مقام پھر کبھی بلند نہیں ہوسکتا ۔ نبی کریم (صلی اللہ علیہ وآلہ وسلم) نے فرمایا : اے بلال ! جاؤ اور اس کی زبان کاٹ دو حضرت بلال (رض) ان کی طرف اٹھ کر چل دیئے اور عباس بن مرداس (رض) دہائیاں دینے لگے کہ اے مسلمانو ! اسلام قبول کرنے کے بعد میری زبان کاٹی جائے گی یا رسول اللہ ! آئندہ میں ایسا کبھی نہیں کروں گا جب حضرت بلال (رض) نے عباس بن مرداس (رض) کو دہائیاں دیتے دیکھا کہا : نبی کریم (صلی اللہ علیہ وآلہ وسلم) نے فی الواقع تمہاری زبان ہی کاٹنے کا حکم نہیں دیا بلکہ آپ (صلی اللہ علیہ وآلہ وسلم) کی مراد یہ ہے کہ میں تمہیں عالیشان جوڑا دے کر تمہاری زبان بند کر دوں ۔ (رواہ ابن عساکر)