30187 ۔۔۔ ” مسند علی (رض) “ مصعب بن سعد اپنے والد سے روایت نقل کرتے ہیں ان کا بیان ہے کہ فتح مکہ کے دن نبی کریم (صلی اللہ علیہ وآلہ وسلم) نے سوائے چار مردوں اور دو عورتوں کے سب لوگوں کے لیے امن عام کا اعلان کیا ان چھے کے لیے فرمایا کہ انھیں قتل کرو خواہ کعبہ کے پردوں سے کیوں نہ لپٹے ہوں وہ یہ ہیں عکرمہ بن ابی جہل عبداللہ بن خطل ، مقیس بن صبابہ عبداللہ بن سعد بن ابی سرح رہی بات عبداللہ بن خطل کی وہ کعبہ کے پردوں سے چمٹا ہوا تھا چنانچہ اس کی طرف حضرت سعید بن کریب اور حضرت عمار (رض) لپکے تاہم حضرت عمار (رض) پھرتھیلے تھے کریب (رض) پر سبقت کر گئے اور عبداللہ بن خطل کو واصل جہنم کردیا ۔ رہی بات مقیس بن صبابہ کی تو مسلمانوں نے اسے بازار میں پایا اور وہیں قتل کردیا رہی بات عکرمہ کی سو اس نے سمندر کا رخ کیا جب کشتی سمندر میں تیرنے لگی زور کی آندھی چلی اور کشتی ڈانواں ڈول ہونے لگی کشتی کے صبابہ سواروں سے کہنے لگے : خالص اللہ کو پکارو چونکہ یہاں تمہارے معبودان کچھ کام نہیں آسکتے عکرمہ (رض) نے کہا : بخدا ! جب سمندری طوفان سے صرف اخلاص ربوبیت نجات دیتا ہے تو بر میں بھی رب تعالیٰ کے سوا کوئی نجات دینے والا نہیں یا اللہ ! میں تجھ سے عہد کرتا ہوں کہ اگر میں سلامت رہا تو میں نکلتے ہی واپس جا کر محمد (صلی اللہ علیہ وآلہ وسلم) کے ہاتھ میں اپنا ہاتھ دے دوں گا مجھے ان کی طرف سے معانی کی امید ہے چنانچہ عکرمہ (رض) دربار نبوت میں حاضر ہوئے اور دولت اسلام سے سرفراز ہوئے ۔ رہی بات عبداللہ بن ابی سرح کی چنانچہ وہ عثمان (رض) کے ہاں جا کر پوشیدہ ہوگئے جب نبی کریم (صلی اللہ علیہ وآلہ وسلم) نے لوگوں کو بیعت کے لیے بلایا تو عثمان (رض) انھیں ساتھ لے آئے اور لا کر نبی کریم (صلی اللہ علیہ وآلہ وسلم) کے قریب کھڑے کردیئے : عبداللہ نے تین بار سر اٹھا کر دیکھا آپ (صلی اللہ علیہ وآلہ وسلم) نے ہر بار بیعت کرنے سے انکار کردیا البتہ پھر آپ نے بیعت کرلی پھر صحابہ کرام رضوان اللہ تعالیٰ عنہم اجمعین کی طرف متوجہ ہو کر فرمایا : کیا تم میں کوئی سمجھدار شخص نہیں جب میں نے بیعت سے ہاتھ روک لیا تم نے اس کی گردن کیوں نہیں اڑا دی ۔ صحابہ کرام رضوان اللہ تعالیٰ عنہم اجمعین نے عرض کیا : یا رسول اللہ (صلی اللہ علیہ وآلہ وسلم) ہمیں اس کا کیا علم آپ ہمیں اشارہ کردیتے آپ نے فرمایا : کسی نبی کو زیب نہیں دیتا کہ وہ اشارے کرے ۔ (رواہ ابن ابی شیبۃ وابو یعلی)