30195 ۔۔۔ ابن ابی شیبہ ، سلیمان بن حرب ، حماد بن زید ، ایوب ، عکرمہ کی سند سے مروی ہے کہ جب رسول کریم (صلی اللہ علیہ وآلہ وسلم) اہل مکہ سے رخصت ہوئے اور جاہلیت میں قبیلہ خزاعہ رسول اللہ (صلی اللہ علیہ وآلہ وسلم) کا حلیف قبیلہ تھا جبکہ قبیلہ بنو بکر قریش کا حلیف تھا چنانچہ بنو خزاعہ نبی کریم (صلی اللہ علیہ وآلہ وسلم) کی صلح میں داخل تھے اور بنوبکر قریش کی صلح میں داخل تھے خزاعہ اور بنو بکر کے درمیان جنگ چھڑگئی قریش نے بنو بکر کو باہم کمک پہنچائی حتی کہ اسلحہ دیا اشیاء خوردونوش دیں اور پھر بھی ان کی پشت پناہی کی ۔ اس کی پاداش میں بنوبکر کو خزاعہ پر غلبہ حاصل ہوا اور ان کے بہت سارے جنگجوؤں کو قتل کردیا قریش خوفزدہ ہوئے کہ مسلمان معاہدہ نہ توڑ دیں تاہم اس بچاؤ کے لیے قریش نے ابو سفیان سے کہا کہ محمد کے پاس جاؤ اور معاہدے کو مضبوط کرو اور لوگوں میں صلح کراؤ چنانچہ ابو سفیان مدینہ پہنچا نبی کریم (صلی اللہ علیہ وآلہ وسلم) نے فرمایا : تمہارے پاس ابوسفیان آرہا ہے اور وہ اپنی حاجت پوری کئے بغیر خوش وراضی واپس لوٹ جائے گا ابوسفیان سیدنا حضرت ابوبکر صدیق (رض) کے پاس آیا اور کہا اے ابوبکر (رض) ! لوگوں سے کہو کہ معاہدے کی پاسداری کریں سیدنا حضرت ابوبکر صدیق (رض) نے فرمایا : اس کا اختیار میرے پاس نہیں اس کا اختیار تو اللہ تبارک وتعالیٰ اور اس کے رسول کے پاس ہے ، پھر ابوسفیان سیدنا حضرت عمر بن خطاب (رض) کے پاس آیا اور ان سے بھی اسی جیسی بات کہی انھوں نے فرمایا : تم نے معاہدہ توڑ دیا ہے جو معاہدہ میں جدید قدم اٹھائے اللہ تعالیٰ اسے آزمائش میں ڈالے اور جو زبردست ہو اللہ سے منقطع کرے ابوسفیان نے کہا : میں نے آج تک ایسا معاشرہ نہیں دیکھا جو زبردست رائے کا حامل ہو پھر حضرت فاطمہ (رض) کے پاس آیا اور کہا : کیا تم اپنی قوم کی عورتوں کی فرماں روائی کرو گی پھر وہی مسئلہ ذکر کیا جو سیدنا حضرت ابوبکر صدیق (رض) سے ذکر کیا تھا فاطمہ (رض) نے فرمایا : اس معاملے کا اختیار میرے ہاتھ میں نہیں اس کا اختیار اللہ اور اس کے رسول کے ہاتھ میں ہے پھر سیدنا حضرت علی المرتضی (رض) کے پاس آیا اور ان سے بھی یہ بات کی سیدنا حضرت علی المرتضی (رض) نے فرمایا : میں نے ایسا گمراہ شخص نہیں دیکھا تم لوگوں کے سردار ہو تم خود ہی معاہدہ کو جاری کرواؤ اور لوگوں میں صلح کرواؤ چنانچہ ابوسفیان نے ایک ہاتھ پر دوسرا ہاتھ مارا اور کہا : میں نے لوگوں میں معاہدے کا اجراء کردیا پھر مکہ واپس لوٹ گیا اور اہل مکہ کو خبر دی اہل مکہ نے کہا : بخدا ! ہم نے آج کی طرح کوئی دن نہیں دیکھا کہ جس میں کسی قوم کا سفیر غیر واضح معاملہ لے کر واپس لوٹے تم ہمارے پاس جنگ کی خبر نہیں لائے کہ ہم کوئی بچاؤ کا سامان کریں نہ تم صلح کی خبر لائے ہو کہ ہم بےخوف ہوجائیں ۔ ادھر خزاعہ کا وفد نبی کریم (صلی اللہ علیہ وآلہ وسلم) کی خدمت میں حاضر ہوا اور آپ کو پوری خبر دی اور مدد مانگی پھر ایک شخص نے یہ شعر پڑھا۔ لاھم ان ناشد محمدا