30233 ۔۔۔ حضرت انس بن مالک (رض) کی روایت ہے کہ حنین سے ملنے والے تاخت و تاراج میں سے رسول اللہ (صلی اللہ علیہ وآلہ وسلم) نے اقرع بن حابس اور عینیہ بن حصن کو سو سو اونٹ دیئے انصار میں سے کچھ لوگ کہنے لگے : نبی کریم (صلی اللہ علیہ وآلہ وسلم) نے ہمارے غنائم ایسے لوگوں کو دے دی ہیں جن کے خون ہماری تلواروں سے ٹپک رہے ہیں یا کہا جن کی تلواروں سے ہمارے خون ٹپک رہے ہیں۔ نبی کریم (صلی اللہ علیہ وآلہ وسلم) کو خبر ہوئی آپ نے انصار کو پیغام بھیج کر بلوایا جب انصار خدمت میں حاضر ہوئے آپ نے فرمایا : کیا تمہارے درمیان تمہارے علاوہ کوئی اور شخص بھی ہے ؟ انصار نے عرض کی : نہیں البتہ ہماری بہن کا بیٹا ہے۔ آپ نے فرمایا : قوم کی بہن کا بیٹا اس قوم کا فرد ہوتا ہے پھر آپ نے فرمایا : تم لوگ ایسی ویسی باتیں کرتے ہو ؟ کیا تم راضی نہیں ہو کہ لوگ بھیڑ بکریاں اور اونٹ لے کر واپس جائیں اور تم اپنے گھروں میں محمد (صلی اللہ علیہ وآلہ وسلم) کو لے کر جاؤ؟ عرض کی : یا رسول اللہ (صلی اللہ علیہ وآلہ وسلم) ہم راضی ہیں آپ نے فرمایا : لوگ عام ہیں اور انصار خاص ہیں اور انصار میری جماعت اور میرے خاص لوگ ہیں اگر ہجرت کی تقدیر نہ ہوتی میں جماعت انصار میں سے ہوتا ۔ (رواہ ابن ابی شیبۃ)