30235 ۔۔۔ ” مسند صدیق “ قاسم بن محمد کی روایت ہے کہ عبداللہ بن ابی بکر کو غزوہ طائف کی موقع پر ایک تیر لگا جو نبی کریم (صلی اللہ علیہ وآلہ وسلم) کی وفات کے چالیس دن بعد عبداللہ (رض) کے لیے جان لیوا ثابت ہوا یہ تیر سیدنا حضرت ابوبکر صدیق (رض) کے پاس رہا حتی کہ ثقیف کا وفد آیا سیدنا حضرت ابوبکر صدیق (رض) نے وفد کو یہ تیر دکھایا اور کہا : کیا تم میں سے کوئی شخص اس تیر کو پہنچانتا ہے ؟ چنانچہ سعد بن عبید بنی عجلان کے بھائی نے کہا : یہ تیر میں نے بنایا ہے اور اس کے پر بھی میں نے ہی لگائے ہیں اور میں نے ہی یہ تیر چلایا تھا سیدنا حضرت ابوبکر صدیق (رض) نے فرمایا : یہ وہی تیر ہے جس نے عبداللہ بن ابی بکر کو قتل کیا ہے تمام تعریفیں اللہ تعالیٰ کے لیے ہیں جس نے عبداللہ کو عزت بخشی تمہارے ہاتھ سے اور اس کے ہاتھ سے تمہیں کوئی گزند نہیں پہنچنے دیا ۔ (رواہ البیہقی فی السنن)