30255 ۔۔۔ حبیب بن ابی ثابت روایت کی ہے کہ حارث بن ہشام عکرمہ بن ابی جہل اور عیاش بن ابی ربیعہ (رض) میدان جنگ میں لڑنے کے لیے نکلے جو انمبردی اور ثابت قدمی سے لڑتے رہے (اور بدن زخموں سے چور چور تھے) پھر حارث بن ہشام (رض) نے پینے کے لیے پانی مانگا پانی لایا گیا چنانچہ عکرمہ (رض) نے پانی کی طرف دیکھا حارث (رض) نے ساقی سے کہا عکرمہ کو دو عکرمہ (رض) نے جام ہاتھ میں لیا اتنے میں عیاش (رض) جام کی طرف دیکھنے لگے فرمایا : جام عیاش کو دو چنانچہ پانی عیاش (رض) تک پہنچے نہیں پایا تھا کہ وہ اللہ کو پیارے ہوگئے ساقی واپس عکرمہ (رض) اور حارث (رض) کی طرف پلٹتا مگر وہ بھی جام بہشت نوش کرنے کے لیے کوچ کرچکے تھے ۔ (رواہ ابونعیم وابن عساکر) فائدہ : ۔۔۔ یہ مقام صحابہ کرام رضوان اللہ تعالیٰ عنہم اجمعین کو حاصل تھا بخدا ایثار کی ایسی مثال ان کے سوا کوئی نہیں پیش کرسکتا ۔