30264 ۔۔۔ عروہ کی روایت ہے کہ نبی کریم (صلی اللہ علیہ وآلہ وسلم) نے سوائے موتہ حضرت اسامہ بن زید (رض) کی امارت میں ایک لشکر بھیجا اس لشکر میں ابوبکر وعمر (رض) (ابو عبیدہ (رض)) جیسے اساطین اسلام بھی شامل تھے کچھ لوگ حضرت اسامہ بن زید (رض) کی امارت پر (ان کے لڑکا ہونے کی وجہ سے) طعنے کرنے لگے رسول اللہ (صلی اللہ علیہ وآلہ وسلم) کو جب اس کی خبر ہوئی تو آپ منبر پر تشریف لے گئے اور لوگوں کو جمع کر کے ان سے خطاب کیا فرمایا : تم میں سے کچھ لوگ اسامہ کی امارت پر طعنے دیتے ہیں جبکہ لوگ قبل ازیں اس کے والد زید کی امارت پر بھی طعنے دے چکے ہیں اللہ کی قسم زید امارت کا سزوار تھے اور مجھے سب سے زیادہ وہ محبوب تھا اس کے بعد اس کا بیٹا مجھے سب سے زیادہ محبوب ہے مجھے امید ہے کہ اسامہ صالحین میں سے ہے لہٰذا اس سے بہتری اور خیر خواہی کا سلوک کرو ۔ (رواہ ابن ابی شیبۃ)