30276 ۔۔۔ ” مسند بجیر بن بجرہ طائی “ ابو معارک شماخ بن معارک بن مرہ بن صخر بن بجیر بن بجرہ معارک بن مرہ بن ضحر ، مرہ بن ضحر کی سند سے یجیر بن نجبرہ (رض) کی روایت ہے کہ جب رسول اللہ (صلی اللہ علیہ وآلہ وسلم) نے حضرت خالد بن ولید (رض) کو دومتہ الجندل کے بادشاہ اکیدر کی طرف لشکر دے کر بھیجا میں بھی اس لشکر میں شامل تھا رسول اللہ (صلی اللہ علیہ وآلہ وسلم) نے فرمایا : تم اسے نیل گائے کا شکار کرتے پاؤں گے چنانچہ ہم نے اکیدر کو رسول اللہ (صلی اللہ علیہ وآلہ وسلم) کی پیشنگوئی کے عین مطابق پایا چاندنی رات میں وہ باہر شکار کے لیے نکلا تھا ہم نے اکیدر کو پکڑ لیا اور اس کا بھائی ہمارے مقابلے پہ اتر آیا ہم نے اسے قتل کردیا اس نے دیباج کی قباء پہن رکھی تھی خالد (رض) نے یہ قباء نبی کریم (صلی اللہ علیہ وآلہ وسلم) کی خدمت میں بھیج دی جب ہم نبی کریم (صلی اللہ علیہ وآلہ وسلم) کی خدمت میں حاضر ہوئے میں نے یہ اشعار کہے ۔ تبارک سائق البقرات انی رایت اللہ یھدی کل ھاد : فمن یک عائدا عن ذی تبوک فانا قد امرنا بالجھاد : گائیوں کو ہانکنے والی ذات بڑے برکت والی ہے میں نے اللہ تعالیٰ کو دیکھ لیا ہے کہ وہ ہر ہادی کو ہدایت دیتا ہے جو بھی تبوک والے سے واپس لوٹے گا ہمیں تو جہاد کرنے کا حکم دیا گیا ہے۔ نبی کریم (رض) نے یہ اشعار سن کر فرمایا : اللہ تعالیٰ تمہارے دانتوں کو گرنے سے محفوظ رکھ ، چنانچہ بجیر (رض) کی عمر نوے سال ہوئی اور ان کے منہ میں کوئی دانت ہلا تک نہیں اور نہ کوئی داڑھ ہلنے پائی ۔ (رواہ ابونعیم وابن مندہ وابن عساکر)