30277 ۔۔۔ ابن اسحاق کا بیان ہے کہ مجھے یزید بن رومان اور عبداللہ بن ابی بکر نے حدیث سنائی کہ رسول اللہ کریم (صلی اللہ علیہ وآلہ وسلم) نے حضرت خالد بن ولید (رض) کو دومہ کے بادشاہ اکیدر بن عبدالملک کندی کی طرف بھیجا اور ان سے فرمایا ، تم اسے نیل گائے شکار کرتے ہوئے پاؤں گے خالد (رض) تشریف لے گئے اور جب اکیدر کے قلعہ کے قریب پہنچے تو چاندنی رات میں اس سے ملے وہ اپنے خاندان کے چند افراد کے ساتھ باہر گھوم رہا خالد (رض) نے اسے گرفتار کرلیا اس کا بھائی مقابلے پہ اتر آیا اور مقتول ہوا پھر خالد (رض) اکیدر کو لے کر نبی کریم (صلی اللہ علیہ وآلہ وسلم) کی خدمت میں حاضر ہوئے رسول اللہ (صلی اللہ علیہ وآلہ وسلم) نے اس کی جان بخشی کی اور جزیے پر اس سے صلح کرلی پھر اسے رہا کردیا اور وہ اپنی بستی میں واپس لوٹ آیا ، چنانچہ قبیلہ طی کے بجیر بن بجرہ نامی ایک شخص نے رسول اللہ (صلی اللہ علیہ وآلہ وسلم) کا خالد (رض) سے کہے ہوئے فرمان کہ ” تم اکیدر کو نیل گائے شکار کرتے پاؤ گے “ کا تذکرہ کیا اور یہ اشعار کئے ۔ تبارک سائق البقرات لیلا کذاک اللہ یھدی کل ھاد فمن یک عائذا عن ذی تبوک فاناقدامرنا بالجھاد : (رواہ ابن مندہ وابو نعیم وابن عساکر قال ابن مندہ ھذا حدیث مرسل فی المغازی)