30294 ۔۔۔ زہری کی روایت ہے کہ رسول اللہ (صلی اللہ علیہ وآلہ وسلم) نے کلب غسان اور شام کے مضافات کے کفار کی سرکوبی کے لیے دوسرے بھیجے ان میں سے ایک سریہ کے امیر ابو عبیدۃ ابن الجراح (رض) کیے دوسرے سریہ پر حضرت عمرو بن العاص (رض) کو امیر مقرر کیا ابو عبیدہ (رض) کے سریہ میں ابوبکر (رض) اور عمر (رض) بھی شامل تھے ، روانگی کے وقت نبی کریم (صلی اللہ علیہ وآلہ وسلم) نے ابوعبیدہ اور عمرو (رض) کو اپنے پاس بلایا اور فرمایا : ایک دوسرے کی اطاعت کرنا اور اختلاف نہیں کرنا جب دونوں سریے مدینہ سے باہر نکلے ابو عبیدہ (رض) عمرو کو لے کر الگ ہوئے اور کہا : رسول اللہ (صلی اللہ علیہ وآلہ وسلم) نے مجھے اور تمہیں چلتے وقت وصیت کی ہے کہ ہم ایک دوسرے کی نافرمانی نہ کریں یا تم میری اطاعت کرو یا میں تمہاری اطاعت کروں ؟ عمرو (رض) نے کہا : نہیں بلکہ تم میری اطاعت کرو چنانچہ ابو عبیدہ (رض) عمرو (رض) کی اطاعت کرنے لگے اور عمرو (رض) دونوں سریوں کے امیر رہے اس پر عمرو رضی کو کچھ تردو ہوا (چونکہ ابو عبیدہ (رض) سابقین اولین میں سے تھے اور عمرو (رض) دونوں سریوں کے امیر رہے اس پر عمرو (رض) کو کچھ تردو ہوا (چونکہ ابو عبیدہ (رض) سابقین اولین میں سے تھے اور عمرو بن العاص سے رتبہ میں افضل تھے) اور کہا : کیا تم نے نابغہ کے بیٹے کی اطاعت اختیار کرلی اور اسے اپنے اوپر امارت کا اختیار دے دیا اور ابوبکر پر بھی اسی کو امیر تسلیم کرلیا اور ہمارے اوپر بھی اسی کو امیر بنادیا یہ کیسا فیصلہ کیا ؟ ابو عبیدہ (رض) نے سیدنا حضرت عمر بن خطاب (رض) سے کہا : اے میرے ماں جائے رسول اللہ (صلی اللہ علیہ وآلہ وسلم) نے چلتے وقت ہم دونوں کو حکم دیا ہے کہ ہم ایک دوسرے کی نافرمانی نہ کریں اور اختلاف سے گریز کریں مجھے خوف ہے کہ اگر میں اس کی اطاعت نہیں کروں گا تو میں رسول اللہ (صلی اللہ علیہ وآلہ وسلم) کی نافرمانی کا شکار ہوجاؤں گا اور ہمارے درمیان لوگ منقسم ہوجائیں گے بخدا میں تا واپسی اس کی اطاعت کروں گا جب لشکر واپس لوٹا سیدنا حضرت عمر بن خطاب (رض) نے رسول کریم (صلی اللہ علیہ وآلہ وسلم) سے شکایت کی نبی کریم (صلی اللہ علیہ وآلہ وسلم) نے فرمایا : میں آج کے بعد عمرو کو تمہارے اوپر امیر نہیں مقرر کروں گا البتہ اسی شخص کو امیر مقرر کروں گا جسے مہاجرین چاہیں گے ۔ (رواہ ابن عساکر)