30295 ۔۔۔ ابوقتادہ (رض) کی روایت ہے کہ جب ہم بنی قریظ کے قلعہ تک پہنچے تو انھوں نے ہمیں دیکھا انھیں جنگ کا یقین ہوگیا سیدنا حضرت علی المرتضی (رض) نے پرچم قلعے کی دیوار کے عین نیچے گاڑ دیا بنی قریظ اپنے قلعوں کے اوپر سے سامنے ہوئے اور رسول اللہ (صلی اللہ علیہ وآلہ وسلم) کی شان میں گستاخیاں کرنے لگے اور آپ کی ازواج مطہرات کو گالیاں دینے لگے ہم خاموش رہے اور ہم نے کہا : ہمارے اور تمہارے درمیان تلوار ہی فیصلہ کرے گی اتنے میں رسول اللہ (صلی اللہ علیہ وآلہ وسلم) نمودار ہوئے آپ کو دیکھ کر حضرت علی (رض) آپ کی طرف چل دیئے اور مجھے کہا کہ پرچم کے پاس رہو ، چنانچہ میں جم کر پرچم کے پاس کھڑا ہوگیا سیدنا حضرت علی المرتضی (رض) نے اچھا نہ سمجھا کہ رسول اللہ (صلی اللہ علیہ وآلہ وسلم) بنی قریظ کی گستاخیاں سنیں تاہم رسول اللہ (صلی اللہ علیہ وآلہ وسلم) قلعہ کی طرف چل دیئے آپ کے آگے آگے حضرت اسید بن حضیر (رض) تھے انھوں نے کہا : اے اللہ کے دشمنو ! میں یہاں سے نہیں ہلوں گا تاوقتیکہ تم بھوکوں مرجاؤ تم مکار لومڑ کی طرح ہو جو اپنے سوارخ میں گھسا ہوتا ہے (جب سوراخ میں پانی ڈالا جائے یا دھواں کیا جائے لومڑ باہر آجاتا ہے) بنی قریظ نے چیخ کر کہا اے ابن حضیر ہم تمہارے دوست ہیں خزرج کے دوست ہیں اسید بن حضیر (رض) نے کیا خوب جواب دیا کہا : میرے اور تمہارے درمیان عہد ہے اور نہ ہی دوستی ۔ (رواہ الواقدی وابن عساکر)