30631 ۔۔۔ زید بن ثابت (رض) کہتے ہیں کہ حضرت عمر (رض) نے ایک دن ان کے پاس داخل ہونے کی اجازت مانگی تو ان کو اجازت دی گئی اس حال میں ان کا ایک جاریہ کی گود میں تھا جو زید (رض) کے سرپر کنگھی کررہی تھی انھوں نے سرباہر نکالا تو حضرت عمر (رض) نے فرمایا کہ سرکوچھوڑ دوتا کہ وہ اچھی طرح کنگھی کرے تو زید بن ثابت (رض) نے کہا کہ اے امیر المومنین اگر آپ بلالیتے میں خود حاضر ہوجاتا تو حضرت عمر (رض) نے فرمایا کہ ضرورت میری تھی میں اس غرض سے آیا ہوں کہ دادا کے مسئلہ کو حل کریں توزید نے کہا : نہیں خدا کی قسم ! اس میں وہ کیا کہتا ہے تو حضرت عمر (رض) نے فرمایا کہ کہ وہ تو دنیا سے جاچکے ہیں ان کی رائے میں کمی زیادتی نہیں ہوسکتی ہے وہ تو آپ ہم نے غور کرنا ہے اگر تمہاری رائے میرے موافق ہو تو قبول ہے ورنہ تم پر کوئی الزام نہیں حضرت زید (رض) نے کوئی رائے دینے سے انکار کردیا تو حضرت عمر (رض) غصہ میں نکل گئے اور جاتے ہوئے کہا میں تو ضرورت سے آیا تھا اور میرا خیال تھا کہ آپ مجھے فارغ کردیں گے پھر دوسرے دن اسی وقت دوبارہ آئے جس وقت پہلے دن آئے تھے وہ مسلسل رائے مانگتے رہے یہاں تک زید (رض) نے کہا کہ میں آپ کو ایک تحریر لکھ کردوں گا پھر ان کو اونٹ کی ہڈی میں لکھ کردیا اس کے لیے ایک مثال پیش کی کہ دادا کی مثال ایک درخت کی ہے جو ایک تنے پر قائم ہے پھر اس سے شاخیں نکلیں پھر شاخ سے اور شاخ نکلی تو وہ تنا سیراب کرتا ہے شاخ کو اگر پہلی شاخ کاٹ دی جائے تو پانی دوسری شاخ کی طرف آجائے گا اگر دوسری شاخ کاٹ دیجائے تو پہلی کی طرف آئے گا وہ تحریر عمر (رض) کے پاس لائی گئی تو حضرت عمر (رض) نے خطبہ دیا پھر اس تحریر کو لوگوں کے سامنے پڑھ کر سنایا اور فرمایا کہ زید بن ثابت نے دادا کے متعلق ایک فیصلہ کیا ہے جس کو میں نے نافذ کردیا وہ پہلا دادا تھا جو پوتے کا کل مال خود لے کر بھائیوں کو محروم کرنے جارہا تھا اس تحریر کے بعد حضرت عمر (رض) نے میراث کو تقسیم کردیا۔ رواہ بیہقی