30632 ۔۔۔ حسن (رح) فرماتے ہیں کہ حضرت عمر (رض) نے لوگوں کو قسم دے کر پوچھا کہ تم میں سے جس کو دادا کے حصہ میراث کے متعلق رسول اللہ (صلی اللہ علیہ وآلہ وسلم) کا کوئی فرمان یاد ہو وہ کھڑا ہوجائے تومعقل بن یسار (رض) کھڑے ہوئے اور فرمایا کہ رسول اللہ (صلی اللہ علیہ وآلہ وسلم) نے ایک دادا کے متعلق فیصلہ فرمایا تھا جو ہم میں موجود تھے تو حضرت عمر (رض) نے پوچھا کتنا حصہ دیا تھا معقل بن یسار نے کہا سدس پوچھا دیگر ورثہ کون تھے عرض کیا معلوم نہیں تو فرمایا کہ تمہیں معلوم نہ ہو۔ رواہ سعید بن منصور