30633 ۔۔۔ ابومعثر نے عیسیٰ بن عیسیٰ حناط سے روایت کی کہ عمر بن خطاب (رض) نے لوگوں سے پوچھا کہ کسی نے رسول اللہ (صلی اللہ علیہ وآلہ وسلم) سے دادا کے حصہ کے متعلق کوئی روایت سنی ہے تو ایک شخص نے کھڑے ہو کرکہا : میں نے سنی ہے تو حضرت عمر (رض) نے پوچھا کتنا حصہ دیا ؟ تو عرض کیا کہ سدس پوچھا دیگر ورثہ کون تھے عرض کیا معلوم نہیں تو فرمایا تمہیں معلوم نہ ہو دوسرے نے کہا امیر المومنین مجھے معلوم ہے کہ ان کو ثلث دیا تھا پوچھا دیگر ورثہ کون تھے عرض کیا معلوم نہیں فرمایا کہ تمہیں معلوم نہ ہو تیسرے نے کہا کہ مجھے معلوم ہے پوچھا کتنا حصہ دیا تھا عرض کیا نصف مال پوچھا دیگر ورثہ کون تھے ؟ کہا کہ معلوم نہیں فرمایا کہ تمہیں معلوم نہ ہو چوتھے شخص نے کھڑے ہو کر کہا مجھے معلوم ہے کہ دادا کو کتنا مال دیا تھا ان کو پورا مال دیا تھا پوچھا ان کے ساتھ دیگر ورثہ کون تھے ؟ کہا معلوم نہیں فرمایا تمہیں معلوم نہ ہو جب زید بن ثابت (رض) نے میراث کے اصول وضع کئے تو دادا کو ثلث مال دیا میت کے ایک لڑکے کی موجودگی میں اور ان کو تہائی مال دیا بھائیوں کی موجودگی میں اور ان کو نصف مال دیا ایک بھائی کی موجودگی میں اور ان کو پورا مال دیاجب کوئی دیگروارث نہ ہو۔ (رواہ سعید بن منصور)