31598 ۔۔۔ ابوسعید (رض) سے روایت ہے کہ فرمایا اے لوگو ! کہ تم میں سے بعض بعض پر امیر ہوں گے وہ کوئی فیصلہ تمہاری رائے کے بغیر نہ کرے تم میں سے ہر شخص نگہبان ہے اور ہر شخص اپنے ماتحت افراد کا ذمہ دا رہے قیامت کے دن یہاں تک آدمی سے پوچھا جائے گا اس کے گھر کے افراد کے بارے میں کہ انھوں نے اللہ تعالیٰ کے حکم کو کس حدتک پورا کیا اور عورت سے اس کے شوہر کے گھر کے متعلق پوچھا جائے گا کہ اس میں اللہ کے حکم کو پورا کیا ہے یا نہیں یہاں تک غلام وباندی سے ان کے آقا کے جانوروں کے متعلق سوال ہوگا کہ ان میں اللہ تعالیٰ کے حکم کو پورا کیا ہے یا نہیں میں اپنے دوست ابوالقاسم  کے ساتھ ایک جہاد میں شریک تھا کہ انھوں نے کوچ کرنے کا حکم فرمایا تو ہم میں سے بعض سوار تھے اور بعض پیدل چل رہے تھے اس دوران کے ہم چاشت کے وقت چل رہے تھے تو اچانک ایک شخص اپنے گھوڑے کو قوم کے لشکر کے قریب کررہا تھا دوسالہ یا چار سالہ گھوڑا تھا وہ اس کی پیٹھ پر گھوم رہا تھا رسول اللہ (صلی اللہ علیہ وآلہ وسلم) نے اچانک اس کو دیکھا تو فرمایا اے ابوبردہ اس کو ایک گھڑا سوار دیدو تاکہ اس کو قوم کے ساتھ ملائے تمہارے ہاتھ کو کامیابی حاصل ہو یا فرمایا کہ ایک پاپیا دہ شخص تو کہا رسول وہ گھڑسوار نہیں ہے وہ چلتے گئے یہاں تک جب سورج ٹھہر گیا اور آسمان کے درمیان میں آگیا تو نبی کریم (صلی اللہ علیہ وآلہ وسلم) کا وہاں سے گذر ہوا ہم آپ کے ساتھ تھے آپ (صلی اللہ علیہ وآلہ وسلم) اس کے قریب رک گئے وہ اپنے مونڈھے سے مٹی صاف کررہا تھا تو آپ (صلی اللہ علیہ وآلہ وسلم) نے فرمایا رک جا اللہ کے نبی (صلی اللہ علیہ وآلہ وسلم) تشریف فرما ہیں تو عرض کیا اے اللہ کے رسول یہ میری قسم ہے میں نے اللہ تعالیٰ سے دعا کی کہ اس کو گرد آلود کروں گا چنانچہ میں نے ایسا کیا اس موقع پر رسول اللہ (صلی اللہ علیہ وآلہ وسلم) نے ارشاد فرمایا کہ مشرق کی طرف سے میری قوم کی ایک جماعت ظاہر ہوگی جو قرآن پڑھیں گے جو ان کے حلق سے نیچے نہیں اترے گا تم اپنے اعمال کو ان کے اعمال کے سامنے حقیر سمجھو گے دین سے اس طرح نکل جائیں گے جس طرح تیرکمان سے نکلتا ہے شکار اس طرف ہے تیرا اس طرف ایک دوسرے کی مخالفت سمت پھر وہ تیرے کے پھل کو دیکھتا ہے اس میں گوبر اور خون کا کوئی اثر نہیں آتا پھر پٹھے کو دیکھتا ہے اس میں بھی نظر نہیں آتا پھر کمان کی لکڑی کو دیکھتا ہے اس میں بھی کچھ نہیں آتاپھر تیر کے پر کو دیکھتا ہے اس میں بھی کچھ نظر نہیں آتاپھر تیر کے نیچے کے حصہ کو دیکھتا ہے اس میں بھی کچھ نظر نہیں آتا اس میں جھگڑتا ہے کوئی چیز نظر آئی ہے یا نہیں نماز کو پیٹھ پیچھے چھوڑ دیتے ہیں ہاتھ پیچھے باندھ کر کھڑے رہتے ہیں فوقیت دیں گے اللہ تعالیٰ ان سے قتال کرنے والوں کو دوسروں پر پھر آپ (صلی اللہ علیہ وآلہ وسلم) نے اپنے گھٹنے پر ہاتھ مارکر فرمایا کاش میری ان سے ملاقات ہوجاتی ابوسعید (رض) کہتے ہیں میری اونٹنی مجھے دوڑا رہی تھی جب کہ آپ (صلی اللہ علیہ وآلہ وسلم) اپنے دست مبارک گھٹنے پر مار رہے تھے اور فرما رہے تھے کاش میں ان کا زمانہ پاتا میں واپس لوٹا نبی کریم (صلی اللہ علیہ وآلہ وسلم) نے ان کا تذکرہ چھوڑ دیا میں نے صحابہ میں سے اپنے ساتھیوں سے کہا کہ مجھ سے اس قوم کے متعلق کوئی حدیث فوت ہوئی ہے ؟ انھوں نے بتایا کہ تمہارے بعد ایک شخص کھڑا ہوا اور کہا کہ اے اللہ کے نبی اس قوم کی علامت کیا ہے تو آپ (صلی اللہ علیہ وآلہ وسلم) نے فرمایا سروں کو منڈائیں گے اور چھوٹے پستان والے ہوں گے ابوسعید نے کہا مجھ نبی کریم (صلی اللہ علیہ وآلہ وسلم) کے دس صحابہ (رض) نے بیان کیا جس سے میں اس گھر میں خوش ہوں کہ حضرت علی (رض) نے فرمایا : میرے لیے اس شخص کو تلاش کرو جس میں رسول اللہ (صلی اللہ علیہ وآلہ وسلم) کے بیان کردہ علامتیں موجود ہوں کیونکہ رسول اللہ (صلی اللہ علیہ وآلہ وسلم) نے فرمایا کہ میں نہ جھوٹ بولتا ہوں نہ جھٹلایا جاتا ہوں جب آپ (صلی اللہ علیہ وآلہ وسلم) کے بیان کردہ علامتیں پایا تو اللہ کا شکر ادا کیا ۔ رواہ ابن جریر