31694 ۔۔۔ اسماعیل بن رجاء اپنے والد سے روایت کرتے ہیں کہ میں مسجد نبوی (صلی اللہ علیہ وآلہ وسلم) ایک حلقہ میں تھا اس میں ابو سعید خدری (رض) عبداللہ بن عمرو تھے وہاں سے حسین بن علی (رض) کا گذر ہوا انھوں نے سلام کیا قوم نے سلام کا جواب دیاتو عبداللہ بن عمرو نے کہا کیا میں تمہیں ایسے شخص کے بارے میں نہ بتلاؤں جو اہل زمین میں سے اہل آسمان کے نزدیک سب سے زیادہ محبوب ہے ؟ قوم نے کہا ضرور بتلائیں ؟ تو بتایا وہ یہی چلنے والے ہیں (ٕیعنی حسین (رض)) انھوں نے صفین کی رات سے اب تک کوئی بات نہیں کی ان کا مجھ سے راضی ہونا مجھے سرخ اونٹ ملنے سے زیادہ محبوب ہے تو ابوسعید (رض) نے کہا کیا تم ان سے معذرت نہیں کرتے ؟ کہا کیوں نہیں ؟ ابوسعید (رض) نے اجازت حاصل کی اجازت مل گئی پھر عبداللہ بن عمرو کے لیے اجازت مانگی اور مسلسل جازت مانگتے رہے یہاں تک اجازت مل گئی ابوسعید (رض) کو عبداللہ بن عمرو کے قول کے متعلق بتایا تو حضرت حسین (رض) نے فرمایا اے عبداللہ بن عمرو کیا تمہیں معلوم ہے کہ میں اہل آسمان کے نزدیک اہل زمین میں سب سے زیادہ محبوب ہوں تو عبداللہ بن عمرو نے کہا ہاں رب کعبہ کی قسم تو فرمایا تم نے مجھ سے اور میرے والد سے صفین کے دن کیوں قتال کیا ؟ اللہ کی قسم میرے والد تو مجھ سے بہتر تھے تو کہا ہاں لیکن میرے والد عمرو نے رسول اللہ (صلی اللہ علیہ وآلہ وسلم) سے میری شکایت کی کہ یارسول اللہ (صلی اللہ علیہ وآلہ وسلم) عبداللہ رات بھرقیام کرتا ہے دن بھر روزہ رکھتا ہے جو آپ (صلی اللہ علیہ وآلہ وسلم) نے فرمایا اے عبداللہ نمازیں بھی پڑھا کر اور سویا بھی کر روزہ بھی اور افطار بھی کرو اور عمر کی اطاعت بھی کرو جنگ صفین کے دن انھوں نے مجھے قسم دی تب میں نکلا اللہ کی قسم میں نے نہ ان کی تعداد بڑھائی نہ تلوار چلائی نہ نیزہ مارا نہ تیر پھینکا توراوی نے کہا توحضر تحسین (رض) بات چیت شروع کی ۔ رواہ ابن عساکر