31695 ۔۔۔ عمر بن شعیب جو عمرو بن شعیب کے بھائی میں وہ اپنے والد سے وہ اپنے دادا سے روایت کرتے ہیں کہ عبداللہ بن عمرو کی ماں منبہ بن حجاج کی بیٹی تھی وہ رسول اللہ (صلی اللہ علیہ وآلہ وسلم) کے انتہائی شفقت کا برتاؤ کرتی تھیں ایک آپ (صلی اللہ علیہ وآلہ وسلم) ان کے پاس تشریف لائے تو پوچھا اے ام عبداللہ آپ کیسی ہیں ؟ عرض کیا یا رسول اللہ خیریت سے ہوں پوچھا عبداللہ کیسے ہیں ؟ عرض کیا یارسول اللہ خیریت سے ہیں البتہ عبداللہ ایسے شخص ہیں کہ انھوں نے دنیا کو چھوڑ دیا اس کو بالکل نہیں چاہتے عورتوں کو چھوڑ دیا اور ان کی طرف بھی کوئی رغبت نہیں اور گوشت بھی نہیں کھاتے ۔ ان کے والد نے صفین کے دن جنگ کے لیے نکلنے کا حکم دیا تو عر ض کیا اے اباجان آپ مجھے نکل کر قتال کا کی سے حکم دیتے ہیں حالانکہ مجھ سے رسول اللہ (صلی اللہ علیہ وآلہ وسلم) نے عہدلیا ہے تو والد نے کہا میں تمہیں اللہ کی قسم دے کر پوچھتا ہوں کیا تمہیں معلوم ہے کہ رسول اللہ (صلی اللہ علیہ وآلہ وسلم) نے جو تم سے آخری عہد لیا وہ یہ تھا کہ تمہارے ہاتھ پکڑ کر میرے ہاتھ میں دیا۔ اور فرمایا زندگی بھرعمر وبن عاص (رض) کی اطاعت کر عرض کیا ہاں۔ رواہ ابن عساکر