3611: اللهم بعلمک الغيب وقدرتک علی الخلق أحيني ما علمت الحياة خيرا لي وتوفني إذا علمت الوفاة خيرا لي اللهم وأسألک خشيتک في الغيب والشهادة وأسألك كلمة الإخلاص في الرضا والغضب وأسألک القصد في الفقر والغنی وأسألک نعيما لا ينفد وأسألک قرة عين لا تنقطع وأسألک الرضا بالقضاء وأسألک برد العيش بعد الموت وأسألک لذة النظر إلى وجهك والشوق إلى لقائك في غير ضراء مضرة ولا فتنة مذلة اللهم زينا بزينة الإيمان واجعلنا هداة مهدين۔
ترجمہ : اے اللہ ! اپنے غیب کے علم اور مخلوق پر اپنی قدرت کے طفیل مجھے اس وقت تک زندہ رکھ جب تک تیرے علم میں میرے لیے زندگی بہتر ہو اور جب تو جانے کہ موت میرے لیے بہتر ہے تو مجھے موت دے دے۔ اے اللہ ! میں تجھ سے خشیت کا سوال کرتا ہوں غیبوبۃ میں اور حضور میں۔ اے اللہ ! میں تجھ سے کلمہ اخلاص کا سوال کرتا ہوں رضا میں اور ناراضگی میں۔ اے اللہ میں تجھ سے میانہ روی اور اعتدال کا سوال کرتا ہوں فقر میں اور مالداری میں ایسی نعمت کا سوال کرتا ہوں جو ختم نہ ہو، ایسی آنکھوں کی ٹھنڈک کا سوال کرتا ہوں جو منقطع نہ ہو۔ اے اللہ ! میرے تیرے ہر فیصلہ پر راضی رہنے کا سوال کرتا ہوں۔ اے اللہ میں تجھ سے موت کے بعد اچھی زندگی کا سوال کرتا ہوں۔ اور تجھ سے تیرے چہرے کو دیکھنے کی لذت کا سوال کرتا ہوں۔ تیری ملاقات کے شوق کا سوال کرتا ہوں کسی ضرر رساں تکلیف اور گمراہ کن تاریک فتنے کے بغیر ۔ اے اللہ ! ہم کو ایمان کی زینت کے ساتھ مزین فرما اور ہادی اور ہدایت یافتہ بنا ۔ ترمذی مستدرک الحاکم عن عمار (رض) بن یاسر۔