٣٦٨٦٧۔۔۔ خالد بن سمیر بشیر بن ٹھیک سے مروی ہے کہ بشیر بن خصاصیہ (رض) حدیث بیان کرتے ہیں رسول کریم (صلی اللہ علیہ وآلہ وسلم) نے ان کا نام ” بشیر “ رکھا ہے جب کہ اس سے قبل ان کا نام بحر تھا کہتے ہیں ایک مرتبہ میں رسول کریم (صلی اللہ علیہ وآلہ وسلم) کے ساتھ چہل قدمی کررہا تھا میں نے آپ کا ہاتھ پکڑ رکھا تھا یا کہا کہ آپ نے میرا ہاتھ پکڑ رکھا تھا۔ مجھ سے فرمایا : اے ابن خساصیہ، تو نے جو صبح کی تو اللہ پر عیب لگائے ہوئے صبح کی اور اللہ کے رسول کے ساتھ چہل قدمی کر رہے ہو میں نے عرض کیا میں نے اللہ تعالیٰ عیب نہیں لگایا میرے ماں باپ آپ پر قربان جائیں ! اللہ تعالیٰ نے میرے ساتھ ہر طرح کی بھلائی کی ہے رسول اللہ (صلی اللہ علیہ وآلہ وسلم) مشرکین کے قبرستان میں آگئے اور فرمایا : یہ لوگ خیر کثیر لے کر سبقت لے گئے ہیں یہ لوگ خیر کثیر لے کر سبقت لے گئے ہیں پھر آپ نے ایک نظر سے دوسری طرف دیکھا ایک شخص جوتوں سمیت قبروں کے درمیان چل رہا ہے رسول اللہ (صلی اللہ علیہ وآلہ وسلم) نے فرمایا : اے سبتی جوتوں والے : اپنے جوتے ایک طرف ڈال دو جب اس شخص نے رسول کریم (صلی اللہ علیہ وآلہ وسلم) کو دیکھا اس نے جوتے ڈال دئیے۔ (رواہ الطبرانی و ابو نعیم)