٣٦٨٦٦۔۔۔ حضرت بشیر بن خصاصیہ (رض) کی روایت ہے کہ میں رسول کریم (صلی اللہ علیہ وآلہ وسلم) کی خدمت میں حاضر ہوا میں آپ کے ساتھ بقیع میں آیا میں نے سنا کہ آپ فرما رہے تھے : اے مومنین کے گھر والوں السلام علیکم ! میرا تسمہ ٹوٹ گیا فرمایا : اسے گانٹھ لو میں نے عرض کیا : یا رسول اللہ ! میرا غزوہ طویل ہوگیا میں اپنے گھر سے دور رہا۔ ارشاد فرمایا : اے بشیر ! کیا تم اللہ تعالیٰ کی حمد نہیں کرتے جو تمہیں اسلام کی طرف لایا ربیعہ میں سے جو کہتے ہیں اگر ہم نہ ہوتے زمین اہل زمین کو لے کر آلٹ گئی ہوتی۔ (رواہ ابو نعیم)