٣٦٨٧٢۔۔۔ عبد الملک بن یعلی لیثی کی روایت ہے کہ حضرت بکر بن شداج لیثی (رض) ان صحابہ (رض) میں سے تھے جو رسول اللہ (صلی اللہ علیہ وآلہ وسلم) کی خدمت کرتے تھے یہ لڑکپن میں خدمت کا فریضہ انجام دیتے تھے چنانچہ جب سن بلوغت کو پہنچے نبی کریم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یا رسول اللہ ! مجھے آپ کے اہل خانہ کے پاس داخل ہونا پڑتا ہے حالانکہ میں سن بلوغت کو پہنچ چکا ہوں نبی کریم (صلی اللہ علیہ وآلہ وسلم) نے مجھے دعا دی اور فرمایا : یا اللہ اس کی بات کو سچ کر دے اور فتح مندی سے اسے ہم کنار کر چنانچہ حضرت عمر (رض) کے دور خلافت میں کسی یہودی نے ایک مقتول پایا عمر (رض) نے اس کو امر عظیم سمجھا اور اس پر بڑے رنج کا اظہار کیا پھر منبر پر تشریف لے گئے اور فرمایا : کیا اسی لیے اللہ تعالیٰ نے مجھے ولایت دی ہے اور اسی لیے مجھے خلافت عطا کی ہے کہ مردوں کو یوں ناحق قتل کیا جائے ؟ میں اللہ تعالیٰ سے ایسے شخص کا سوال کرتا ہوں جس کے پاس اس کا کوئی علم ہو اور مجھے بتائے بکر بن شداج (رض) کھڑے ہوئے اور فرمایا : مجھے اس کا علم ہے حضرت عمر (رض) نے کہا : اللہ اکبر تم اس مقتول کے خون کے ذمہ دار ہو ورنہ اس سے نکلنے کی کوئی حجت بیان کرو عرض کیا : جی ہاں فلاں شخص جہاد میں شرکت کی غرض سے نکلا اور مجھے اپنے اہل و عیال کا وکیل بنا گیا میں اس کے دروازے پر پہنچا تو میں نے اس یہودی کو اس کے گھر میں پایا اور یہ کہہ رہا تھا :
واشعث غرۃ الاسلام منی خلوت بعرسہ لیل التمام
میری وجہ سے اسلام کی چمک دھیمی پڑگئی میں نے اس کے جلوہ کے لیے پوری پوری رات خلوت میں گزار دی۔
ابیت علی نرابھا ویمسی علی جرداء لا حقۃ الخرام
میں اس کے سینے پر حملہ کرنے سے بار رہا ہوں لیکن اس نے بےبالوں کے شام کی کہ وہ وسط راستہ پر جا چکا تھا۔
کان مجامع الربلات منھا فنام ینھفون الی فنام
گویا کہ اس کی ہڈیوں کے جوڑا انسانوں کی جماعت کی مانند تھے جو کسی دوسری جماعت کی طرف اٹھ رہے ہوں۔
چنانچہ نبی کریم (صلی اللہ علیہ وآلہ وسلم) کی دعا کی وجہ سے ان کی بات سچ قرار دی اور مقتول کا خون رائیگاں قرار دیا۔ (رواہ ابن مندہ وابو نعیم)